रचनाकार:- दिल कुमार तमाङ् ‘भाबुक’
मलेशियामा प्रकाशित पत्रिका श्रम साप्ताहिक पत्रिकामा मा वर्ष ६ अंक १, बैसाख १ आइताबार २०६५ प्रकाशित कबिता ‘शहिदले धिकार्ला’
ए क्रान्तिकारी योद्धाहरु हो
अब थाक्नु हुदैन है
सुनौलो बिहानी ल्याउनै पर्छ
शहीदले धिकार्ला है !
धक्का दिनुस किल्ला किल्लामा
मेची काली उठ्नै पर्छ
दासत्वको अन्त्य गर्दै
सामन्ती सत्ता तोड्नै पर्छ !
अघि बढौ योद्धाहरु
दरबारको पर्खाल फोर्नै पर्छ
कलम हुनेले कलम चलाउ
गरिबको ईतिहास कोर्नै पर्छ !
सामन्तिको जन्जिर तोड्न
श्वास तीनको चोर्नु पर्छ
सीप हुनेले खाल्डो बनाउ
जिबशेस पुर्नु पर्छ !
ए क्रान्तिकारी योद्धाहरु हो
अब थाक्नु हुदैन है
गणतन्त्र ल्याउनै पर्छ
शहिदले धिकार्ला है !
समाप्त
No comments:
Post a Comment