आज बस्ने भनिएको एकीकृत नेकपा माओवादीको केन्द्रीय समितिको बैठक उपाध्यक्ष मोहन बैद्य ‘किरण’को बिशेष अनुरोधमा स्थगन भएको छ । माओवादी अध्यक्षका बिरुद्ध बहुमतको कसरतमा विभिन्न गुटहरुसँग भेला र बैठक गरेका बैद्यले आज बिहानै अध्यक्ष प्रचण्डलाई भेटी आजलाई बैठक स्थगित गरिदिन अनुरोध गरेको स्रोतले जनाएको छ ।
बिशेष स्रोतमार्फत प्राप्त जानकारी अनुसार माओवादी अध्यक्ष प्रचण्डका बिरुद्ध बहुमत केन्द्रीय सदस्यहरुलाई जुटाउन नसकेपछि बैद्यले बैठक केही दिनकालागि सार्न अनुरोध गरेका हुन् । अध्यक्ष प्रचण्डलाई एक्ल्याएर सबै जिम्मेबारीबाट च्युत गर्ने योजनामा रहेका बैद्य-भट्टराई गुटले माओवादी केही शीर्ष नेताहरुलाई पदको भागबण्डा गरी आफ्नो पद बाँडफाँडको योजनामा सहमत गराएपनि केन्द्रीय सदस्यहरुमा भने बहुमत पुर्याउन नसकेपछि यो नयाँ चाल रचिएको बताईएको छ ।स्मरण रहोस् हिजो उक्त गेटको भएका विभिन्न चरणको गोप्य भेलाहरुबाट बहुमत केन्द्रीय सदस्यहरुलाई आफ्नो पक्षमा लिने र यदि अध्यक्षले आफुहरुले भने अनुसार नगरे आजको बैठक बहिस्कार गर्ने निर्णय गरेका थिए । तर बहुमत केन्द्रीय सदस्यहरु अध्यक्ष प्रचण्डको पक्षमा भएपछि थप छलफल र गृहकार्यकालागि भन्दै बैठक स्थगन गर्न अनुरोध गरेको बुझिएको छ ।
No comments:
Post a Comment